پايى پيياده دوشوره م چؤللره،
خار-ى موغيلان گؤروره م، قورخمورام.
سئير ائديره م برر و بييابانلارى،
غول-ى بييابان گؤروره م، قورخمورام.
گاه اولورام بحرده زؤورق نيشين،
دالغالى طوفان گؤروره م، قورخمورام.
گه چيخيرام ساحيله هر ياندا مين،
وحشى-يى غورران گؤروره م، قورخمورام.
گاه شفق تك دوشوره م داغلارا،
يانقيلى وولقان گؤروره م، قورخمورام.
گاه انيره م سايه تك اورمانلارا،
ييرتيجى حئيوان گؤروره م، قورخمورام.
اوز قويورام گاه نئييستان لارا،
بير سورو آسلان گؤروره م، قورخمورام.
مقبره ليكده ائديره م گه مكان،
قبريده خورتان گؤروره م، قورخمورام.

منزيل اولور گه منه ويرانه لر،
جين گؤروروه م، جان گؤروره م، قورخمورام.
خاريجى مولكونده ده حتتا گزيب،
چوخ توحه ف اينسان گؤروره م، قورخمورام.
بو كوره-يى عرضده من موختصر،
موختليف الوان گؤروره م، قورخمورام.
لئيك بو قورخمازليق ايله دوغروسو،
آى داداش! واللاهى، بيللاهى، تيللاهى؛
هاردا موسلمان گؤروره م، قورخورام!
قورخورام!، قورخورام!، قورخورام!.....
بیسبب قورخمورام، وجهی وار
نئيله ييم آخير، بو پوخ اولموشلارين،
فيكرينى قان قان گؤروره م، قورخورام!.
قورخورام!، قورخورام!، قورخورام!.....

ساچلاريمى باشقادان اؤرته اؤرته

لیلک لرین چؤپ یوواسی بوش قالیب

 باهار گئدیب،پاییز گلیب،قیش قالیب
 
گؤی چمنده اوجاق یانیب ،داش قالیب

بو دونیانین قارا داشی گؤورمز

 

نه بو اجاق کوزره سی ،سونه سی

 نه او گونلر بیرده گئری دونه سی

غم ایله مه کونلومون بیر دنه سی

بو دونیانین قارا داشی گؤورمز

 

او گوُل یاناق بنددیر بیر خوش باخیشا

کورپه بوداق ال آچیبدیر یاغیشا

 مین باهارین حرارتی ییغیشا

بو دونیانین قارا داشی گؤورمز



اوت گویردیب او جیغیریم او ایزیم

طوفانلانیب چالخالانماز دنیزیم
 
داها مندن سئوگی اومما عزیزیم

بو دوُنیانین قارا داشی گؤورمز



آراز بویو چوخ معنالار سئزمیشام

ائله بیلمه اللریمی اوُزموُشم
 
اورکیمه داش باغلاییب دؤزموُشم

 بو دونیانین قارا داشی گؤورمز

"موسی یعقوب"